പാപത്തിന്റെ ഫലം തിന്നില്ലെന്ന്
ആദം ദൈവത്തോടു പറഞ്ഞതായിരുന്നു
ആദ്യത്തെ കള്ളം.
കള്ളങ്ങളുടെ വേലിയേറ്റത്തില്
ഞാന് കേട്ട ആദ്യത്തെ സ്വരം അമ്മയുടേതായിരുന്നു.
കരിപിടിച്ച അടുക്കളയില്
ഊര്ദ്ധ്വന് വലിക്കുമ്പോഴും
അച്ഛന് തന്നെ നന്നായി നോക്കുന്നുവെന്നു
പറഞ്ഞ് അമ്മ നുണയുടെ വാതില്
എനിക്കു മുന്നില് തുറന്നുവെച്ചു.
തങ്ങള്ക്കു വേദനിക്കുന്നില്ലെന്നു
മുറിഞ്ഞുപോയ വാലിനെ നോക്കി
പല്ലിയും
തകര്ന്ന കഷണങ്ങളെ നോക്കി
മണ്കലവും പറഞ്ഞതോടെ
നുണകള് കുത്തിനിറച്ച ചരക്കുവണ്ടി
എനിക്കു മുന്നിലൂടെ പാഞ്ഞുപോയി.
മുള്ളുവേലി നിറഞ്ഞ,
കരിനാഗങ്ങള് ഇണ ചേരുന്ന ഇടവഴിയില്
പതിയിരുന്ന് നിന്നെ പ്രണയിക്കുന്നുവെന്നു
പറഞ്ഞ് ചുണ്ടുകളുടെ നനുത്ത സ്പര്ശം
ഏറ്റുവാങ്ങിയ നിമിഷത്തിലാണ്
നുണകളുടെ ആകാശഗോപുരം
ഞാന് പടുത്തുയര്ത്തിയത്.
ഇരുണ്ട പകലുകളില് ഗോപുരത്തിനു മുകളിലിരുന്ന്
എന്റെ ജോലിക്കാല് എനിക്കായ്
പുതിയ നുണകള് മെനഞ്ഞു.
മൂര്ച്ചയുള്ള ആയുധങ്ങളില്
നുണ രാകിമിനുക്കി
എന്റെ പടയാളികള് നാടു നന്നാക്കി????
കടലാസുതാളുകള്
എന്റെ ജീവിതം ആഘോഷമാക്കി
പുതിയ നുണകള് നെയ്തു.
ഗോപുരത്തിനു മുകളിലെ ഏദന്തോട്ടത്തിലിരുന്ന്
ഹവ്വയപ്പോഴും പാപത്തിന്റെ ഫലം തിന്നു.
ഇപ്പോഴെന്റെ സഞ്ചാരം
നുണകളുടെ മേല്പ്പാലത്തിലൂടെയാണ്.
പ്രണയത്തിന്റെ പകമുറ്റിയ കണ്ണുകളുമായി
ഇണയെ നഷ്ടപ്പെട്ട കരിമൂര്ഖന്
ഇടവഴിയിലിരുന്ന് ദംശിച്ചപ്പോഴും
ഞാന് നുണകള് കൂട്ടിക്കുഴച്ച് പുതിയ
മനക്കോട്ടകള് കെട്ടി.
പനിക്കിടക്കയില് ഉറക്കഗുളികകളുടെ രൂപത്തില്
മരണത്തെ പുല്കുമ്പോഴും
ഉറങ്ങുകയാണെന്നു പറഞ്ഞ്
ഞാന് വീണ്ടുമൊരു നുണ പടച്ചു.
ഉറക്കത്തില്,
കരിമ്പനകള്ക്കു മുകളിലിരുന്ന് നുണയക്ഷികള്
എന്റെ രക്തമൂറ്റിക്കുടിക്കുന്നത് സ്വപ്നം കണ്ടു.
നീണ്ട സ്വപ്നത്തില് നിന്ന് ഉണര്ന്നപ്പോഴേക്കും
നുണകളുടെ കലക്കവെള്ളത്തില്
ചീഞ്ഞുനാറാന് തുടങ്ങിയിരുന്നു
എന്റെ മനസ്സ്.....
മഴയുടെ കഥ; മകളുടേയും
23/5/10
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
9 അഭിപ്രായങ്ങൾ:
വാക്കുകള് അല്പം കുറച്ചധികം ഉപയോഗിച്ചത് പോലെ......ശ്രദ്ധിച്ചാല് നന്നായേനെ
നുണകള്
ഒതുക്കം...
കരിപിടിച്ച അടുക്കളയില്
ഊര്ദ്ധ്വന് വലിക്കുമ്പോഴും
അച്ഛന് തന്നെ നന്നായി നോക്കുന്നുവെന്നു
പറഞ്ഞ് അമ്മ നുണയുടെ വാതില്
എനിക്കു മുന്നില് തുറന്നുവെച്ചു.
First two pasrts were very fine
:-)
നീണ്ട സ്വപ്നത്തില് നിന്ന് ഉണര്ന്നപ്പോഴേക്കും
നുണകളുടെ കലക്കവെള്ളത്തില്
ചീഞ്ഞുനാറാന് തുടങ്ങിയിരുന്നു
എന്റെ മനസ്സ്.....
കൊള്ളാം.
മുരളി, സോണ, രാജേഷ് അഭിപ്രായങ്ങള്ക്കു നന്ദി
ഉപാസന, റാംജി നന്ദി
"ഒരു നുണക്കവിത"
"ഒരു നുണക്കവിത"
കൊള്ളാം. ഇത് നുണയല്ലകേട്ടോ
ഒരു അഭിപ്രായം പോസ്റ്റ് ചെയ്യൂ