6/2/09

നിളയില്‍ ഒരു മഴക്കാലം


പെയ്‌തൊഴിഞ്ഞ മഴക്കാലത്തിനു
മുമ്പാണ്‌ നിളേ,
നീ നിറഞ്ഞൊഴുകിയത്‌...
ആ മഴക്കാലത്തിനു,
സന്തോഷത്തിന്റെ,
നിര്‍വൃതിയുടെ മണം.

ഇന്നാര്‍ക്കു വേണ്ടിയാണു
നിളേ നീ വറ്റിത്തീരുന്നത്‌?
പൊള്ളിയടരുന്നത്‌്‌?
ചുടുകണ്ണീര്‍ വീണു ഉരുകിത്തീര്‍ന്ന
നിന്റെ മാറിടത്തിനു മുകളില്‍
ഇന്ന്‌ കാക്കപ്പൂവുകള്‍
ബലിതര്‍പ്പണം നടത്തുന്നു.

ഒഴുകുമ്പോള്‍ പൊട്ടിച്ചിരിക്കുന്ന
നിന്റെ പാദസരമിന്നെവിടെ?
പട്ടാമ്പിപ്പാലത്തിനു താഴേ
നിറം മങ്ങിക്കിടക്കുന്ന അവയെ
നീ ആര്‍ക്കു വേണ്ടിയാണ്‌ വലിച്ചെറിഞ്ഞത്‌?

മണല്‍ തുരന്ന്‌ തുരന്ന്‌ പോകുമ്പോള്‍ കാണുന്നു
നിളേ....
നിനക്കിന്ന്‌ ഹൃദയവുമില്ല!!
ആര്‍ക്കു വേണ്ടി?
ആര്‍ക്കു വേണ്ടി നീ
പൊള്ളിയടരുന്നു?

വീണ്ടുമൊരു മഴക്കാലം വരും.
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകട്ടെ കറുത്ത കരടുകള്‍...


(ഇത്‌ നിളയുടെ കഥയല്ല... ഞാനാണിതില്‍ നിള... എന്നെക്കുറിച്ച്‌ ഞാന്‍ എഴുതിയ വിത)

19 അഭിപ്രായങ്ങൾ:

--xh-- പറഞ്ഞു...

:| I canot comment - sometimes, words are not enough to describe wht you feel...

പകല്‍കിനാവന്‍ | daYdreaMer പറഞ്ഞു...

വീണ്ടുമൊരു മഴക്കാലം വരും.
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകട്ടെ കറുത്ത കരടുകള്‍...

വരികള്‍ ഒത്തിരി ഇഷ്ടമായ്.. പക്ഷെ ഇപ്പൊ നിനക്കു നല്ല അടിയുടെ കുറവുണ്ട്... ഞാന്‍ തിരക്കിലാ... പിന്നെ വിശദമായ് വരാം...

M Juneer പറഞ്ഞു...
രചയിതാവ് ഈ അഭിപ്രായം നീക്കംചെയ്തു.
M Juneer പറഞ്ഞു...

" വീണ്ടുമൊരു മഴക്കാലം വരും.
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകട്ടെ കറുത്ത കരടുകള്‍... "

da;
ഈ വരികളില്‍ ഞാന്‍ നിന്‍െറ ജീവിതം കാണുന്നുണ്ട്‌
പുതിയ പ്രതീക്ഷയും

തീര്‍ച്ചയായും സംഭവിക്കാന്‍ പോകുന്നതെല്ലാം
നല്ലതിനാണെന്ന്‌ ഞാന്‍ വിശ്വസിക്കുന്നു.


തീര്‍ച്ചയായും
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകും ഈ കറുത്ത കരടുകള്‍...

ആശംസകള്‍
അഭിനന്ദങ്ങള്‍
നിന്‍െറ പുതിയ തീരുമാനത്തിന്‌

ദീപാങ്കുരന്‍ പറഞ്ഞു...

നിളയുടെ തീരത്ത്‌ എത്രയോ മനുഷ്യജന്മങ്ങള്‍ ഒഴുകിയമര്‍ന്നിരിക്കുന്നു. നാവായിയും, മാമാങ്കവും എത്ര ജീവനുകള്‍ തൂത്തെറിഞ്ഞരിക്കുന്നു? എന്തിനെന്നറിയാതെ എത്രയോ പേര്‍. അവിടെയെവിടെയാണു നിന്റെ കറുത്ത കറുത്തകരടുകളുടെ സ്‌ഥാനം? നിള ഇനിയും വറ്റും. ഒഴുകും. അപ്പോഴെയല്ലാം കരടുകള്‍ അടിയുകയും ഒഴുകുകയും ചെയ്യും. അതാണ്‌ നദി. നദിയുടെ ജന്മവും അതിനുവേണ്ടിയാണ്‌. എങ്കിലും, ഒരു കുത്തൊഴുക്കില്‍ മാഞ്ഞുപോകട്ടെ നിന്റെ അഴലും അനുരാഗത്തിന്‍ നൊമ്പരവും.... കവിത കൊള്ളാം... ഇഷ്‌ടപ്പെട്ടു... തുടര്‍ന്നെഴുതുക... സ്‌നേഹപൂര്‍വം...

ഉസ്മാന്‍ പള്ളിക്കരയില്‍ പറഞ്ഞു...

വീണ്ടുമൊരു മഴക്കാലം വരും.
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകട്ടെ കറുത്ത കരടുകള്‍...

പ്രത്യാശ നിലനില്‍ക്കട്ടെ.... പൂവണിയട്ടെ....

ആശംസകളോടെ,

Unknown പറഞ്ഞു...

ആര്‍ക്കു വേണ്ടി?
ആര്‍ക്കു വേണ്ടി നീ
പൊള്ളിയടരുന്നു?

(ഇത്‌ നിളയുടെ കഥയല്ല... ഞാനാണിതില്‍ നിള... എന്നെക്കുറിച്ച്‌ ഞാന്‍ എഴുതിയ വിത)
MANNANKATTA----------

ചിതല്‍ പറഞ്ഞു...

മഴ പെയ്യുക തന്നെ ചെയ്യും...
കാത്തിരിക്കുക..
പൊള്ളിയടരുന്ന ഇലകളെ
പച്ചകൊണ്ട് മൂടാന്‍..

sreeNu Lah പറഞ്ഞു...

വീണ്ടുമൊരു മഴക്കാലം വരും.
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകട്ടെ കറുത്ത കരടുകള്‍...

തീര്‍ച്ചയായും

Nachiketh പറഞ്ഞു...

നല്ല വരികള്‍...

വീണ്ടുമൊരു മഴക്കാലം വരും.
ഇനി പെയ്യാന്‍ പോകുന്ന മഴയില്‍
നീ കുലംകുത്തിയൊഴുകും.
അന്ന്‌ നിന്റെ പ്രളയത്തില്‍
ഒലിച്ചു പോകട്ടെ കറുത്ത കരടുകള്‍... "..

ഈ വരികള്‍.......

പ്രതീക്ഷകള്‍ മാത്രമാണ് ആഗ്രഹങ്ങളും.....

ആഗ്നേയ പറഞ്ഞു...

മഴയുടെ മകളായതിനാലാവും
മഴയുടെ മുഖമാണ് നിനക്ക്

aneezone പറഞ്ഞു...

mazhayude makalude
mazha nananjulla varikal.

good writing.

മുസാഫിര്‍ പറഞ്ഞു...

കാണുന്ന സ്വപനങ്ങളെല്ലാം ഫലിക്കുന്ന ഒരു കാലം വരുമായിരിക്കും അല്ലെ ?

വല്യമ്മായി പറഞ്ഞു...

നല്ല വിത

ശ്രീഇടമൺ പറഞ്ഞു...

വളരെ നല്ല കവിത...
ആശംസകള്‍...*

Bindhu Unny പറഞ്ഞു...

ആ മഴക്കാലം വേഗം വരട്ടെ...
:-)

aneeshans പറഞ്ഞു...

രണ്ട് വട്ടം വായിച്ച് നോക്കിയിട്ട് പോസ്റ്റാമായിരുന്നു. എന്തിനാ ഇത്രയും വരികള്‍

ഹന്‍ല്ലലത്ത് Hanllalath പറഞ്ഞു...

പ്രത്യാശയുടെ ചിരാതുകള്‍ കെടാതിരിക്കട്ടെ...
നിറഞ്ഞ ആശംസകള്‍...

Sureshkumar Punjhayil പറഞ്ഞു...

നിളേ....
നിനക്കിന്ന്‌ ഹൃദയവുമില്ല!!

Jeevan thanneyillo ippol...!

Manoharam, Ashamsakal...!!!