29/1/09

സങ്കടം



ഉള്ളില്‍ നിന്നു


തേട്ടി വന്ന


വാക്കുകളെ ചുരുട്ടിക്കൂട്ടി


മൂലയ്‌ക്കിട്ടു.


മൂലയില്‍ നിന്നു തോണ്ടിയെടുത്ത്‌


മൗനത്തിന്റെ


കട്ടിയുള്ള പുറന്തോടു കൊണ്ടതിനെ


മൂടിപ്പൊതിഞ്ഞ്‌


ഹൃദയത്തിലടുക്കി വെച്ചു.


എന്നാല്‍,


വൈകിപ്പോയി.


മരിച്ച മനസിന്റെ


കോണില്‍ നിന്ന്‌ എത്തി


നോക്കാന്‍ തുടങ്ങിയിരുന്നു


കരച്ചിലിന്റെ നേര്‍ത്ത


ചീളുകള്‍..

4 അഭിപ്രായങ്ങൾ:

--xh-- പറഞ്ഞു...

:| ചിലപ്പോ ഒന്നു നല്ലോണം കരയുന്നതാ നല്ലത്...

പകല്‍കിനാവന്‍ | daYdreaMer പറഞ്ഞു...

മരിച്ച മനസിന്റെ
കോണില്‍ നിന്ന്‌ എത്തി
നോക്കാന്‍ തുടങ്ങിയിരുന്നു
കരച്ചിലിന്റെ നേര്‍ത്ത
ചീളുകള്‍..

ദേ പിന്നേം സങ്കടപ്പെടുന്നു... മഴയില്‍ നനഞ്ഞു തോര്‍ന്ന വാക്കുകള്‍...!!
കൊള്ളാട്ടോ...

ശ്രീഇടമൺ പറഞ്ഞു...

സങ്കടം നന്നായിട്ടുണ്ട്...
നല്ല വരികള്‍...

ആശംസകള്‍...*

വരവൂരാൻ പറഞ്ഞു...

മൗനത്തിന്റെ
കട്ടിയുള്ള പുറന്തോടു കൊണ്ടതിനെ
മൂടിപ്പൊതിഞ്ഞ്‌
ഹൃദയത്തിലടുക്കി വെച്ചു.
എന്നാല്‍,
വൈകിപ്പോയി

വൈകി പോയി എന്ന് സങ്കടപ്പെടെണ്ടാ
കരച്ചിലിന്റെ നേര്‍ത്ത
ചീളുകള്‍
അത്ര മോശമൊന്നുമല്ലാ